مبدأيا علشان تشتغل فى إيطاليا وتمارس طب الأسنان محتاج تكون مسجل بنقابة أطباء الأسنان بإيطاليا وأهم شرط علشان تعرف تسجل إن يكون معاك إقامة دائمة ولغة ايطالي.
معادلة طب الأسنان فى ايطاليا!
والموضوع لسه شغال بس ليه شروط و أوراق و اهم الشروط الإقامه واللغة، فلو متوفر معاك الشرطين دول هتروح تسجيل فى النقابة عادي.
خطوات التسجيل بنقابة طب الأسنان بإيطاليا؟
لو معاك إقامة دائمة بعني واخد الجنسية الايطالية، متزوج ايطالية أو والد أو والدة ايطالية، بيبعتلولك دعوه وبتعمل إقامه وتبدأ إجراءات التسجيل فى النقابة.يعني أنتَ كدة محناج إقامه ولغه حاجتين أساسيين، بعد كدا بتجهز مجموعه اوراق بتختلف على حسب الولاية أو المحافظة وتقدم وبيعملولك إمتحان شفوي أو تحريري على حسب الولاية وبيكلف فى حدود 300 يورو، الإمتحان بيكون بسيط ونسبة النجاح فية عالية.
الأوراق المطلوب للتسجيل فى النقابة بإيطاليا:-
تصريح اقامة وعنوان الاقامة.- شهادة التخرج و شهادة الامتياز .
- تصريح مزاولة المهنة من وزارة الصحة بمصر موجه إلى ايطاليا.
- شهادة حسن سير وسلوك من النقابة في مصر.
- الرقم الضريبي.
- صورة شخصية.
- فيش و تشبيه مترجم أيطالي.
- صورة من الباسبور.
كل الأوراق دي مترجمة ايطالي ومتوثقة من السفارة ومفيش مكاتب ترجمة معتمدة لدي السفارة الإيطالية بالقاهرة و كل الترجمات تخضع للمراجعة من قبل السفارة، تقدر تترجم اوراقك في أي مكان، سعر التوثيق تقريبًا الورق الواحدة تقريبا 1400 جنية.
طريقه التوثيق مشروحة اخر المقال بالتفصيل مع توضيح لعنوان مكتب ترجمة لترجمة الأوراق.طريق إيطاليا سهل وبسيط جدًا ومش محتاج معادلة وهيكون مناسب ليك لو إنتَ معاك جنسية أيطالية أو متجوز ايطالية بمعني معاك إقامه دائمه يعني، إقامه الدراسة مينفعش تشتغل بيها لازم تحولها لإقامة دائمة، طاب ممكن نحول إقامة الدراسة لإقامة دائمة وتسجل فى النقابة وتشتغل!
تحويل إقامه دراسة لإقامة دائمه، والعمل!
يمكن تحويل إقامه الدراسة لإقامة دائمه، ولكن بعد إنتهاء الماجستير، بمعني ممكن تقدم على دراسة ماجستير سنة وبعد السنه بتاخد فيزا بحث عن عمل وبعقد العمل دة بتحول الإقامه دائمه وتقدم فى النقابة، وممكن قبل السنة ما تخلص تلدور على عقد عمل وتحول الإقامه عادي، ولو فضلت خمس سنوات بتاخد الجنسية الايطالية.
خطوات التقديم للماجستير بإيطاليا!
للأسف الإيطاليين مش بيعترفوا غير بتخصصين بس وهما الجراحه والتقويم، وكان فية منح بتنزل بتخليك تاخد الماجستير مجانا بس تقريبا وقفت لأطباء الأسنان.الخطوة الاولي: التقديم من علي موقع الجامعة.
١- اولا التقديم بيكون من خلال موقع الجامعة، فتابع موقع الجامعة اللى انتَ هتقدم فيها بحيث تعرف، التقديم هيفتح أمتا!
٢- هتعمل اكونت علي البورتال بتاع الجامعة هاتلاقيه فالـ online services وهيكون ليك person code خد بالك منه ده هتحتاجه كتير الفترة الجاية.
٣- لما التقديم يفتح هتبدأ تخش علي البورتال وترفع الشهادات بتاعتك اللي هيا:-
- شهادة التخرج بتاعتك بالانجليش.
- الـ transcript او بيان درجات بالانجليش.
- شهادة اللغة او اثبات ان دراستك كانت بالانجليزي او IELTS. اقل حاجة 6، انت ممكن متحتاجش الـ IELTS دلوقتي بس غالبا هتحتاجه لما تقدم ع الفيزا.
- الـ Motivation letter ودي تروح لعمك جوجل وتشوف انت المفروض ازاي تكتبها.
- الـ recommendation letter ودي تجيبها من اي دكتور ف الجامعة .. غالبا هيقولك اكتبها انت وهاتهالي امضيها.
- CV
- ملخص او حاجة فيها كل الكورسات اللي اخدتها ف الجامعة طول سنين دراستك ممكن تسأل شئون الطلبة عندك ممكن تجيبه منين.
بعدها هيخليك تختار التخصص اللي انت عايزه وهيكون ليك رغبتين هيجيلك واحدة فيهم إنك اتقبلت فيها إن شاءالله، ولو متقبلتش ف الاولي هيخليك تخش ف التانية، بس حط الي انت عاوزه اكتر في الاول اكيد.
خلى بالك وانت بتقدم الرغبات فى ماجستير الدراسة بتاعته بالانجليزي وفية ماجستير الدراسة بتاعته بالايطالي، اختار اللى انت قوي فيها، بمعني لو ناوي تكمل فى إيطاليا اختار ايطالي علشان تحسن اللغه عندك، ولو جاي علشان تاخد ماجستير وتمشي الإنجليزي هيكون كويس معاك.
الجامعة ف الوقت ده هتراجع الورق بتاعك وتقولك لو فيه مشاكل او كدة ولو فيه حاجة غلط هيخلوك ترفعها تاني او تعملها update، ردوا عليك وقالولك إنك زي الفل وهيتم تقييم ورقك؟ حلو إستني تاني بقي بس المرادي شوية حلوين.خطوات الـ DOV؟
دلوقتي الجامعة محتاجه حاجة اسمها الـ DOV وده عبارة عن معادلة للي درسته هنا عشان يعرفوا انك طبيعي انك تكمل تعليمك هناك.
معادلة شهادات ما بعد الثانوية(الجامعة) :-
هتجيب الشهادات دي من الجامعة بتاعتك أو الكلية اللى اتخرجت منها!
- شهادة التخرج بتاعتك بالعربي عادي
- الـ transcript الانجليش بتاعك
عنوان مكتب الترجمة: دكتور باكينام باهنام مكتب مشهور ممكن تترجم من عندة، دور على الـ GPS عليه هاتلاقيه فى وسط البلد الورقة ترجمتها كانت ١٠٠ جنيه تقريبا، معرفش وصل كام دلوقتي.
شهادات ابتدائي واعدادي وثانوي بتوعك!
لو مش معاك مش مشكلة تقدر تطلعهم من الادارة بتاعتك، شهادة الثانوي تقدر تطلعها بالانجلش من الادراة التعليمية للامتحانات، فاعمل كدة، لما تطلع الشهادات هتروح تديها ختم المديرية اللي انت تابع ليها.
توثيق الورق من السفارة الايطالية؟
دلوقتي إحنا محتاجين نوثق الورق بتاعنا من السفارة وده حوار ممل بسبب السفارة نفسها، المركز الثقافي كان بيوثق الورق ببلاش بس خلاص وقف توثيق ولازم توثق من السفارة نفسها:-
- هتروح تحجز معاد من السفارة، متحجزش من الموقع فكك منه إصحي الصبح الساعة ٩ وخليك وراهم لحد مايدوك معاد غالبا هاتلاقيهم بيدوك معاد بعدها بشهر ولا حاجة.
دلوقتي عاوزين نعمل الـ DOV وده بيتعمل من خلال القنصلية هاتلاقيها جنب فندق الكونراد على الكورنيش، هتبعت ايميل لدكتورة سعدية وتبعتلها سكان من الورق اللي إحنا عملناه ده وتقولها عاوز اخد معاد للـ DOV وخد معاك الـ acceptance letter عشان تاخده ببلاش غير كدة هيبقي فيه مصاريف ليه هتروح وتسلم الورق وبعدها باسبوعين هتستلمه.
الاوراق المطلوبة للفيزا الدراسة بإيطاليا؟
الابليكشن اللي عليها علم ايطاليا، هاتلاقيها في الموقع بتاعهم اطبعها وهاتها ولو مش معاك او ملقتهاش هوا هناك هيديك واحدة ويساعدك تملاها.
- جواز سفر ساري لمدة سنتين.
- الـ Acceptance letter.
- الـ DOV اللي احنا لسه واخدينه.
- صورتين شخصيتين ليك ميكونش عدي عليهم ٦ شهور، لو انت مكسل تتصور ع الاقل متروحش تاخدلهم نفس صورة الباسبور لو معمول من اكتر من ٦ شهور عشان ف الاخر هينزلك تتصور ف اي حتة.
- تأمين، بالنسبة للموضوع ده فيه شركات كتيرة واكتر من طريق ليه، بس اكتر حاجه مشهورة من موقع Alianz وتعمل تأمين سنة اونلاين ب 30 يورو او 60 مش متذكر، عشان انت هتحتاج التأمين ده هناك لما تقدم علي الاقامة، هيبعتولك ميل ف اخره هاتلاقي كوبي من التأمين، اطبعها وهاتها.
- اعمل حجز من booking لمدة اسبوعين في المدينة اللي انت نازل فيها وخد بالك انه يكون free cancelation علشان مخسرش فلوس.
- هات شهادة الـ IELTS بتاعتك ولو حتي كانت منتهية مفيهاش مشكلة ولو معاك اثبات من الجامعة ان الدراسة كانت بالانجليش هاته برضو.
- كشف حساب اخر ٦ شهور من البنك بتاعك وخليه يطلعهولك انجليش، ولو رابط شهادات خليك يطلعلك ورقة بيهم برضو، ولو عندك credit card شغال عليها طلعلها كشف حساب اخر ٦ شهور برضو، كل ده علشان تقوي موقفك المالي.
- الـ cover letter عشان توضح مصدر الفلوس بتاعتك دي نظامها ايه وكدة، دة لو انت مقدم بحساب بنكي بتاع حد من اهلك هتحتاج انك تجيب قيد عائلي.
- الـ pre enrollment وده عبارة عن تاكد إن الجامعة وافقت عليك وبعتت إسمك للسفارة علشان الفيزا، وده بيتعمل من خلال موقع اسمه universitaly هترفع علية صورة الباسبور بتاعك وشكرا، بعدها بشوية هاتلاقيهم بعتولك الـ summary وده التأكيد إن الجامعة بعتت إسمك، واطبعة.
- إطلع علي مصر للطيران في التحرير وطلع حجز مبدئي وهما عارفين انه للفيزا خليه ذهاب وعودة بعد سنة وخد بالك ان التأمين يكون لمدة سنة ف الحالة دي لو هتعمل عود، غير كدة ومدة التأمين اقل بلاش تعمل عودة وخليه ذهاب فقط.
- هتكلم السفارة تاني عشان تحجز معاد والمرادي المواعيد مش بعد شهر زي المرة اللي فاتت، هتسلم الورق وتستني يجيلك الرد خلال اسبوعين ان شاء الله. جالك قبول! جهز شنطتك يامعلم خلاص الف مبروك.
أنواع الماسترز علشان لو تاية تقدر تختار:-
ايطاليا من البلاد التى تمتلك جامعات بمستوي تعليم عالى ومعترف بيها فى معظم البلاد، فممكن تاخد زمالة أو الماستر من ايطاليا.
1- الزماله أو specializes school.ودى نسبة القبول فيها صعبة جدا، الجامعه بتاخد 5 او 10 أشخاص بالكتير وبيفضلوا الإيطاليين ومفيش فرصة ليك كمصري للقبول، فكل الناس بتتجه للحل التاني وهوا الماجستير.
2- الماستر أو الـ CFU وفية 3 أنواع بيكون:-
- سنه دوام كامل بتدى 60 ساعة.
- وفية سنتين بارت تایم بتدی نفس عدد الساعات اى 60 ساعة.
- وفية سنتين فل تايم بتدى ضعف عدد الساعات أى 120 ساعة.
التقديم عن طريق المركز الثقافي الايطالي!
كان فية تقديم عن طريق المركز الثقافي الايطالي بس مش عارف لسا شغال ولا وقف ممكن تكلمهم يقدملك أو تشوف الإجراءات عندهم اى! بس أخر المعلومات إنه وقف.
بس زمان كان المركز علشان يوافق إنة يقدملك لازم يكون مستواك فى اللغة الايطالي يكون b2 على الاقل وإجتازت الإمتحان ومعاك شهادة بكدة، بتجمع الورقه والموقع بيتولى التقديم لدي الجامعات للماسترز ويتواصل معاك.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــالجامعات فى إيطاليا:-
- milano
- Bologna
- siena
- bari
- parma
- torino
- napoli
- ferrara
- brescia
- pavia
تتعلم ايطالي فين!
- المركز الثقافي الايطالي بالزمالك او الاسكندرية.
- معهد الدون بوسكو بروض الفرج.
- مدرس خاص.
- أو مع نفسك عاليوتيوب.
هل التقدير بيفرق في القبول للماسترز ولا لا ؟
الماستر بيكون ليه شروط اللى بيطلب تعمل امتحان او مقابله او تقيم للاوراق اللى منهم والتقدير والـ CV ، و لو انت اخدت ماستر قبل كدا او دبلومة او كورسات وسنك ولو نشرت ابحاث علمية كل ده بيساعد فى نسبة قبوبك، التقدير مهم بس مش شرط للقبول ممكن تقديرك منخفض وتنقبل عادي.راتب طبيب الأسنان بإيطاليا!
نصائح للسفر لايطاليا!
الجروب دة مختص بالسفر لايطاليا Egyptian students in Italy عليه معلومات كتيره بخصوص الدراسة هنا ومتطلبات السفاؤة والفيزا وهكذا هيفيد لو بتفكر تسافر.
إيطاليا بلد جيد للحياة فيه ولا يستحق عناء تعلم اللغة والوصول إليه، كمان البلد متشبعة في طب الأسنان يعني مافيش فرص كبيرة و حتى البلد اقتصادها مش كويس وإحصاءيا فيها طبيب اسنان لكل ألف شخص فدا عدد كبير.
وعموما فرص الشغل موجوده نسبيا ولكن بالنسبه فقط، مفيش مرتبات ثابته، ولازم تطلع بفيزا دراسه للمستر وتتقبل فيه عشان تحول الاقامه بتاعتك لعمل علشان تقدر تعادل الشهادة.
ولو بتفكر فى الماجستير فالكليات حلوه ومرتب على العالم فى التصنيف بس تقريبا مش بيعترفوا غير بالجراحه و التقويم.
فكره إن الماجستير دة معترف بية فى دول الخليج ولا لاء، فبصراحه ماقدرش اقولك معترف بيها ولا لاء بس لو الماجستير أكاديمي و 3 سنوات في الغالب بيكون معترف بية لو غير كده بيكون لاء.
الماجستير كان ممكن تاخده بمنحه بتعمل بحث عائلي، هتلاقي الطريقه على الجروب فوق وبتقدم في المنحه وكام القبول سهل فيها، بس سمعت إنهم وقفوا المنح على ماجستير الأسنان ممكن تسأل وتتاكد من المعلومه في الجروب.
وأخيرا الموقع بينزل علية مقالات علمية بإسلوب بسيط لسهولة الفهم تابعونا على بيدج الفيس وقناة التلجرام علشان يوصلك كل مقالاتنا ونقدر نفيدك بكل جديد، أنا دكتور دينتيست، سلام.