في الجزء الاول اتكلمنا عن امتحان inbde وازاي تذاكر لية! وطريقة حجز الامتحان، ودلوقتي ماذا بعد اجتياز امتحان INBDE هيكون قدامك 3 طرق وممكن نعتبرهم 4 لو حد عايز يريح دماغه بالخيار الرابع.
أزاي تكون طبيب أسنان في أمريكا؟
الطريق الأول بعد ما تخلص امتحان inbde وهو دخول الجامعة، وهو إنك تقدم على كلية طب أسنان في جامعة من الجامعات اللي عندها برامج للطلبة الدوليين اللي زي حالاتنا، بتدرس هناك سنتين أو ثلاثة وفي عدد قليل جدا سنة واحدة.
وده لينك بكل الجامعات اللي يتقبل international dentists بتراسل كل جامعة وبتعرف برنامجهم للطلبة الدوليين ومتطلبات ومصاريف كل جامعة وبتتخرج من هناك GP معاك General license تقدر تمارس طب الأسنان في أي مكان في الولايات المتحدة الأمريكية.
وده الطريق الأضمن والأفضل بس الأطول والأكثر تكلفة للآسف، لان مشكلة الطريق ده زي ما قولنا هي الفلوس أقل برنامج بيكلف في السنة الدراسية الواحدة 100 ألف دولار وه طبعا رقم ضخم وماحدش بيقدر عليه.
و95% من الطلبة سواء أمريكان أو غير أمريكان بيقدموا على قرض دراسي بفوايد قليلة والرقم يبدو ضخم لكن مجرد ما تشتغل هيكون سهل إنك تسدده لأن الرواتب مجزية جدا وعلشان تاخد القرض لازم يكون معاك Green card او تشوف حد معاه جنسية يكون ضامن ليك، دي الطريق الوحيد.
هل التقدير بيفرق في القبول فى الجامعه؟
نعم التقدير لية عامل كبير جدا في القبول وكل ما كان تقديرك قليل كل ما كانت فرصتك في القبول قليلة، بشكل عام لو ال GPA بتاعك اقل من 2.4 فرص القبول بتاعتك هتكون قليلة جدًا.
طبيب أسنان في أمريكا برخصة محدوده؟
الطريق الثاني وده بتكون طبيب اسنان معاه limited license في تخصص واحد بس، وبيكون إنك تقدم على نيابة في أي تخصص تحبه، وبعد ما تخلص بتشتغل في التخصص ده بس، وللأسف ده بيكون في أماكن محدودة جدا.
أزاي تكون طبيب أسنان فى ولاية منيسوتا؟
الطريق الثالث وهو الـ license بتاعة ولاية منيسوتا هنا مش بتحتاج تدخل الجامعة ولا تقدم نيابة هم بيدوك حاجة اسمها limited general license داخل الولاية فقط يعني هتبقى GP بس مش هتقدر تشتغل في أي مكان برة الولاية سايد نوت.
مساحة منيسوتا قد ربع مساحة مصر فهي ولاية كبيرة وفرص العمل فيها كثير، هتحتاج للتقديم عليها بعد امتحان INBDE وهتحتاج إنك تمتحن عندهم امتحان عملي بيكون عبارة عن bench exam و حالات case presentation وإجراءات ورقية كثير موجودة بالتفصيل على موقعهم ولازم أي حد يفكر في منيسوتا يراجع موقعهم بالتفصيل لأنهم بيغيروا في المتطلبات كل فترة، وده لينك موقعهم.
.jpeg "Dental hygienist")
أزاي تبقا dental hygienist فى أمريكا؟
الطريق الربع هو إنك تبقى Dental hygienist وده لو حابب تريح دماغك بس ساعتها هتشتغل scaling بس، معرفش ولايات بتقدم الامتحان ده غير كاليفورنيا، بيكون امتحان سهل صغير بتقدم عليه بعد الـ INBDE.
دول الاربع خيارات اللى قدامك بس المعظم بيفضل اول ختيار وهوا دخول الجامعة والدراسه سنتين لان ده افضل طريق واضمن طريق ان ميصدرش اي قانون يأثر على رخصتك.
رواتب اطباء الاسنان فى امريكا؟
تكاليف البورد الأمريكي لطب الأسنان؟
- تكلفة معادلة الشهادة للتقديم للامتحان تقريبا 200 دولار
- تكلفة امتحان inbde والتحضير لية حوالى 1800 دولار.
- تكلفة السفر والطيران والاقامه اسبوع لأداء الامتحان حوالى 2000 دولار.
- تكلفة الدراسة بالجامعه لو سنتين هتكون اقل واجب 200 الف دولار ولازم ضامن امريكي الجنسية علشان تاخد قرض دراسي.
- تكلفة الإقامه(الاكل والسكن وغيرها) أثناء الدراسة بالجامعه اقل شئ فى الشهر 1000 دولار لسنتين علشان الشغل اثناء الدراسة بيكون صعب.
نصائح لو بتفكر في السفر الى أمريكا كطبيب أسنان؟
- لو مش معاك فلوس واليادجت بتاعتك مش كبير يبقا الطريق ده مش ليك، وكمان لو مش معاك الجرين جاد وملكش حد في أمريكا من عيلتك الموضوع هيكون صعب جدًا، وكمان متبدأش تذاكر غير لما تتاكد إن الفيزا بتاعتك تمام وتقدر تسافر من بكره.