تعتبر الزمالة البريطانية للتقويم من أحسن الطرق للحصول على لقب أخصائي تقويم، فى ظل صعوبة القبول في الماجستير المصري خصوصا لو كان تقدريك متواضع (جيد) ولكنها للأسف مكلفة جدًا.
.jpg "الزمالة البريطانية للتقويم فى مصر")
اماكن الزمالة البريطانية للتقويم في مصر!
موجود حاليا أماكن كتير بتقدم التدريب منها مراكز خاصه ومنها جامعات حكوميه او خاصه، طبعا الأماكن دي متفاوته تفاوت كبير جدا في مستوايتها وفي اعتمادها من الكلية الملكية في بريطانيا.
ولازم تسأل كويس على المكان ونظامه والقائمين عليه علشان هيفرق جدا معاك في التدريب والمعلومات والاعتماد، وخطه التدريب وضمان دخول الامتحان لو المركز مش معتمد.
حاليا مفيش في مصر غير مركز واحد بس اللي معتمد وهوا Dental aliance وبيضم 3 جامعات اللي بروجرام بتاعها معتمد وتحت اشراف الرويال كولج وهما:-
- جامعة مصر للعلوم و التكنولوجيا (must).
- جامعه الدلتا.
- جامعه سينا.
اي هوا الاعتماد من الرويال كولج؟
الاعتماد يقصد بيه إن برنامج التدريب اللي حصل عليه الطالب مطابق لـ internal quality assurance process المعمول بها في مراكز التدريب الخاصة بيهم في انجلترا.
ايه الفرق بين المراكز المعتمدة و المراكز الغير معتمدة!
- ضمان دخول الامتحان لان لو مركز مش معتمد مطلوب منه يقدم بعض المستندات للكلية الملكية ولو مقبلتهاش مش هتدخل الامتحان اساسا.
- ضمان مستوى عالي من التدريب لانه خاضع لاشتراطات و معايير قوية من قبل ال royal college و باشراف تام منهم على فترة التدريب بالكامل.
- تجنب اي تغيرات قد تطرأ على الساحه فيما يخص قبول دخول الامتحان.
- فرص عمل افضل لان اكيد لو مكان او بلد قدامه 2 اطباء حاصلين على زمالة التقويم واحد بتدريب معتمد و واحد بتدريب غير معتمد فاكيد الفرصة في صالح الاعتماد.
- التكلفة، طبعا التكلفه فتكلفه الاماكن المعتمد اعلى من المراكز الغير معتمدة.
- للأسف مش بتاخد شهادة تدريب مماثلة للطالب اللي تدريبة كان في بريطانيا اللي هيا (CCST) وبتاخد مكانها شهادة من الرويال كولج إسمها (SLAA) بتقول إن الطبيب حصوله علي تدريب يوزاي للتدريب بالمملكة المتحدة.
- الـ cv
- المنهج الدراسي والجدول الدراسي اللي نفذه الطالب بشرط انه يكون مماثل او مقارب للمنهج في المراكز التابعه للـ GDC اللي هي زي نقابة الاطباء عندنا.
- ساعات تدريب معتمدة ٤٥٠٠ ساعه منهم 60% عملي 25% نظري 15% ابحاث.
- الـ log book للحالات اللي طبيب اشتغلتها
- والابحاث اللي تمت خلال فترة التدريب.
- هل الاعتماد هيفرق معاه و يستحق التضحية بالفارق المادي.
- هل هو محتاج الشهادة فقط
- هل السفر في خطته و اولوياته
- هل محتاج يضمن مستوى عالي من التدريب حتى لو مقابل مادي اعلى.
طريقة التسجيل في الزمالة البريطانية للتقويم!
والتسجيل في مركز Dental aliance اللي البرنامج بتاعهم تحت إشراف الرويال كولج بتكون من خلال اللينك ده، ودي صفحة الفيس بوك الخاص بيهم تقدر تراسلهم، وكمان الدكتور سما سامي مسؤول البرنامج لو حابب تستفسر وبعد التسجيل بتعمل مقابلة مع بروفيسور ديفيد بيرن وبتدخل البرنامج.
وعلشان تسجيل في المراكز التانية الخاصة بالتدريب كل مركز ولية نظامه ممكن يعملوا إمتحان بسيط يقيس مستواك وبيقبلوك.
هل أقدر اخد الزمالة لو أنا عايش برا مصر!
بعيدا عن أروبا في 3 دول متاح فيهم إنك تاخد الزمالة البريطانية منهم وهم مصر والامارات والهند ومعنديش اي معلومه عن الامكان المتاحه في الامارات او الهند لازم تستفسر من طبيب مقيم بالبلد وهوا هيدلك أفضل مني.
شروط الزمالة البريطانية للتقويم!
- ان يكون حاصل علي درجة البكالوريوس في طب و جراحه الفم و الاسنان او علي درجة معادله لها.
- ان يكون قد انهي سنة الامتياز
- ان يجتاز المقابلة الشخصية مع مدير البرنامج الانجليزي بروفيسور ديفيد بيرن.
مميزات برنامج الزمالة البريطانية للتقويم:-
- البرنامج معتمد في مصر و الشرق الاوسط من الكلية الملكية وتقدر تكون أخصائي بعد عدد سنوات تدريب من الخبرة على حسب كل دولة.
- البرنامج تم تصميمه بناء علي متطلبات الكلية الملكية.
- البرنامج يستخدم منصة تعليمية كالجامعات الانجليزية لادارة البرنامج من الناحية الإكلينيكية و النظرية لدعم الطالب في كل خطوة من التدريب.
- الخريج منه بيحصل علي خطاب (SLAA process) من الكلية الملكية يفيد بحصوله علي تدريب يوزاي للتدريب بالمملكة المتحدة وليس نفس الشهادة (CCST) التي يحصل عليها الخريجين من بريطانيا.
- بيتم تغطية المنهج من قبل مدرسين بريطانيين ومصريين، مع التعاون المستمر والتقييم والمتابعة، وتوفير دورات تعليمية منتظمة مع استشاريين بريطانيين لتقويم الأسنان.
- تدريب عملي مبني علي عدد كبير من الحالات من ٤٠-٦٠ حالة متنوعة و مختلفة لتغطية جميع الخطط العلاجية.
تكلفة الزمالة البريطانية للتقويم!
- كدا يبقي كل سيمستر 70,000 جنية مصري + 440 $ ده لو حضرتك مصري، بيتم دفعها بأقساط نصف سنوية.
نظام إمتحان الزمالة البريطانية للتقويم!
- الـ Part A بيكون عبارة عن MCQ 180 فى 4 ساعات وليك 6 محاولات عشان تنجح فيه وتكلفته 250 استرليني، وبيكون متاح إنك تمتحن بعد اول سنتين.
- الـ part B بيكون عبارة عن مناقشات شفهية في 4 cases مع لجنة الممتحنين عن treatment plan وال mechanicks المستخدمه، وتكلفته 2200$ استرليني وليك في الجزء ده 4 محاولات للنجاح.
والسنادي (2024) قفلوا تسجيل الجزء الاول نهائي السنادي بسبب الاعداد المهوله اللى خلصته وعايزين يمتحنوا الجزء التاني و مش عارفين.
نظام التدريب فى الزمالة البريطانية للتقويم!
هل الزمالة البريطانية للتقويم معترف بيها دول الخليج!
- في مصر بتحصل على درجة أخصائي من النقابة فور الحصول عليها واستشاري بعد سنتين،
- في الامارات بتاخد درجة أخصائي بعد 3 سنوات ممارسة.
- فى السعودية لتاخد درجة أخصائي بعد 4 سنوات ممارسة، تم تعديل المده لتصبح سنتين فقط (تحديث 30 / 5 / 2024).
- في الكويت بتاخد درجة أخصائي بعد سنة خبرة.
- في عمان بتاخد درجة أخصائي من غير سنوات خبرة.
هل ينفع تشتغل بال m Orth في بريطانيا؟
هل الزماله هتعلمك تشتغل تقويم كويس ؟
لو كان تدريبك في مكان كويس وانت اجتهدت وعملت اللى عليك هتعلمك كويس جدا وممكن كمان افضل من الماجستير، ولو مش ناوي تجتهد مفيش حاجه هتعلمك لا زماله ولا ماجستير ولا دكتوراه وزي ما هتدخل زي ما هتطلع.
في النهاية حابب اوضح إني مش تبع اي مركز سواء معتمد او غير معتمد و مش تبع اي جهة و اني بعرض الوضع بحيادية تامه علشان اساعد الناس.
الزمالة تظل خيار كويس لو عايز تتعلم تقويم وتشتغل في عيادتك في مصر، لكن مش كويس للسفر، يعني مثلا علشان تسافر السعودية هتحتاج 4 سنوات ممارسة غير الـ 3 سنوات بتاعت الزمالة فانتَ داخل في 7 سنين علشان تقدر تسافر بيها!