النمسا تعتبر من أفضل البلاد في أوروبا، حجمها مش كبير اووي ولكن لدية إقتصاد قوي وتتحدث باللغة الألمانية وعدد سكانها لا يتجاوز الـ 10 مليون واهم جاجه بالنسبة لينا كدكاترة اسنان إن المعادلة مفيهاش امتحان عملي.
معادلة طب الاسنان في النمسا؟
معادلة طب الاسنان بتكون عبارة عن معادلة للشهادة الجامعية بتاعتك اللى خدتها من مصر في النمسا وبيكون عن طريق الجامعات الحكومية في النمسا وهيا 3 جامعات:-
- جامعه فينا
- جامعه ان اسبورك
- جامعه كراتس
 |
| جامعة فينا |
كقاعدة عامة، يجب أن تكون المستندات الصادرة من مصر باللغة الإنجليزية وتوثق من الخارجية والسفارة النمساوية. إذا كانت بالعربية، تُترجم للألمانية بعد توثيقها من الخارجية علشان المترجم ينقل الختم، ثم توثق من السفارة في الدقي. هذه الخطوات ثابتة لجميع مستندات المعادلة.
الخطوة الأولى وهيا مراسلة النقابة في النمسا؟
أول خطوة وهيا مراسلة النقابة في النمسا وطلب توضيح لخطوات المعادلة، حضرتك بتجهز كلا من:-
- شهادة التخرج
- ترخيص مزاولة مهنة.
وزي ما اتكلمنا، لازم الورق يكون متوثق من الخارجية والسفارة النمساوية، ولو الورق بالعربي هتترجمه وتوثقه. وهتبعت الورق ده نسخة سكان للنقابة في النمسا عن طريق الإيميل، وتبلغهم إنك فلان الفلاني طبيب أسنان متخرج من مصر ومحتاج تشتغل في النمسا كطبيب أسنان ومحتاج تعرف الإجراءات اللي تعملها.
وهما هيردوا عليك إن شهادتك محتاجة معادلة في جامعة من الثلاث جامعات اللي ذكرناهم، وبيقدموا لك ورقة تثبت ذلك. بتقدم الورقة دي مع باقي المستندات اللي هتجهزها للجامعة.
الخطوة الثانية تجهيز الورق المطلوب للجامعة؟
- بيان درجات للثانوية العامه موجه للنمسا، بيطلع من المديرية اللي المدرسه تابعة ليها.
- دي الشهادة الكرتون، مش الشهادة المؤقتة اللى بتطلع بعد التخرج علطول، وفي الغالب بتكون بالعربي وبتحتاج تترجم وتتوثق.
- بيوضح درجاتك في كل ماده وتقديرك فيها، ويفضل يكون بالانجليزي.
- دة بيكون عبارة عن بيان بيوضح كل ماده خدت كام ساعه وكان فيها كام نظري وكان ساعه عملي، في الغالب بتاع الشؤون بيكون عارفها.
- وده بيكون عبارة عن كُتيب بيكون حوالى 50 صفحه وبيكون عبارة عن المواد اللى درستها من الجامعة موضح درست موضيع اي في العملى بتاعها ودرست مواضيع اي في النظري بتاع الماده، والكُتيب ده مهم جدًا في التقديم.
6- شهادة من الجامعة بتفيد ان دراسة طب الأسنان في الجامعة كانت عبارة عن 5 سنوات مع سنة إمتياز وإن الدراسة كانت باللغة الإنجليزية، ولو انتَ نظام قديم وعندكم اعدادي هتحتاج تجيب شهادة بتقول إن سنه الاعدادي دي من ضمن سنوات الدراسة وليست سنة مؤهل للجامعة.
- يفضل تكون بالانجليزي.
- القانون في النمسا بيقول ان انتَ مينفعش تعمل المعادله غير لما تكون دراس في بلدك 75% من المحتوي العلمي اللي بيدرس في النمسا، ويادوب بالشهادة دي انتَ بتكمل ال 75% فالشهاده دي مهمة جدًا، علشان كُتيب المحتوي العلمي بيكون قديم ومش متحدث وشامل كل المواضيع اللي احنا خدنها فاللاسف لازم نعمل الشهادة دي.
- معظم النقص عندنا بيكون في الـ restoration والارثو والجراحه، فيفضل تكون معظم الروند اللي خدتها تكون في الاقسام دي، ولو ليك حد في الجامعة ممكن يظبطلك الدنيا، ولو واخد إمتياز فى مستشفيات الصحة مدير المستشفى ممكن يعملك شهادة بانك كنت شغال طبيب full time في الامتياز.
- الجامعة بتشرط مستوي لغة B2 او C1 على حسب مزاج الموظفة اللي بتراجع ورقك، انتَ وحظك، ممكن تقفلك على C1.
الورق ده كلة بيتقدم في مكتب المعادلات في جامعه فينا مع رسوم تقديم الطلب اللي بتكون 150 يورو تقريبًا، ممكن يكون فية مناوشات بينك وبين الجامعة في بعض الورق محتاج تبعتة تاني بس في الآخر الورق إن شاء هيتقبل والمكتب بيحدد معاد الامتحان الاول في المعادلة.
الخطوه الثالثة امتحان المعادلة النمساوية لطب الاسنان؟
- اول شهر 2
- اخر شهر 6
- اخر شهر 9
- Perio
- Providential
- Orthodontic
- Oral Surgery
- Crawn
- Conservative
- معلومات طبية عامه
- باطنه ونساء ورمد وجلدية وفسيولوجي
- نفسيه وعصبية ومخ واعصاب
- Dental material
- Occlusion && anatomy
بعد ما تخلص الامتحان بتاخد الشهادة بناءا على عدد المواد اللي انتَ نجحت فيها، ويا انت مؤهل انك تكمل طريق المعادلة، يا خلاص انت غير مؤهل وبيعتمد على عدد المواد اللي نجحت فيها.
علشان كده لازم تنجح في تلتين المواد، يعني حوالي 7 مواد وبشرط من مواد أسنان لازم تنجح في 4 مواد على الاقل ومواد بشري لازم تنجح في مادتين على الاقل ومادة من المادتين التانين، ده الحد الادني اللي علشانه تقدر تكمل المعادلة.
طاب دا كده الموضوع صعب يا دكتور كل دي مواد هاذكرها، بص الموضوع مش صعب خالص بالعكس ده سهل جدًا، لية علشان فية بنك أسئلة عبارة عن امتحانات اخر 15 سنه واسئلة تانية بتذاكرة كويس جدًا وتخش تمتحن وبتنجح إن شاء الله.
بعد الإمتحان ده، المواد اللي منجحتش فيها بتخش بعد كده الجامعة تمتحنها مع الطلبة العاديين، بتشوف انت فاضلك مادتين أسنان بتشوف الطلبة هتمتحن امتا وتمتحن معاهم.
خلصت الـ 11 ماده عندك 3 مواد زيادة لازم تدرسهم في semester وتقدر تسجل في الجامعة كاطالب بعد ما تخلص الامتحان ده حتي لو ناجح ب 7 مواد بس والـ 3 مواد دول بيكونوا (إحصاء وفارما واشعة) بتتدرس التالت مواد دول وبتخلصهم وكده انت خلصت امتحان المعادلة النمساوية.
الخطوة الرابع رسالة التخرج؟
لو انت معاك بكالوريوس بس من مصر وملكش اي اوراق بحثية فلازم تعمل بحث العملي علشان تاخد شهادة التخرج، والخطوة دي بتكون علشان يتأكدوا انك لو جية قدامك بحث علمي تقدر تقراها وتفهمه، والخطوة دي ملهاش اطار زمني محدد انت وخظك والمشرف بتاعك ممكن من 5 شهور الى سنة على حسب اجتهادك وحسب المشرف.
انما لو انت عامل ماجستير في مصر، لو ليك اي اوراق بحثية منشورة عاليما يبقا الخطوة دي مش هتعملها وهتعمل إمتحان شفوي بسيط فى 6 مواد أسنان اللى اتكلمنا عنها وبيكون في دكتور في كل مادة والدكاترة مش بتصعب الامور هيا بتكون اسئلة سهلة وبتنجح وتستلم شهادة التخرج.
بعد النجاح بتستلم الشهاده اللي بتقول ان شهادتك المصرية او السورية حسب ما انت واخدة منين موازية لشهادة خريج جامعه فينا.
الخطوة الخامسة التسجيل في النقابة النمساوية؟
بتحتاج ورقين مهمين علشان تسجل في النقابة:-
- الشهادة بتاعت جامعة فينا إنك خلصت المعادلة.
- شهادة لغة وبشرط لازم يكون مستواك c1 او ممكن شهاده امتحان لغة طبية من النقابة.
- ترخيص مزاولة المهنة في بلدك.
- شهادة حسن سير وسلوك من النقابة بتاعت بلدك.
- حساب بنكي ويكون مفتوح عادي، يعني تقدر تاخد من أصحابك وتجمع مبلغ 12 الف يورو وتطلع كشف حساب وتاني يوم ترجع الفلوس لأصحابها.
هل ممكن اشتغل dental assistant وانا باحضر معادلة؟
التأشيرات ودخول النمسا؟
الجامعة ملهاش علاقة بإقامتك سواء معاك إقامه دائمه، او معاك جنسية او معاك فيزا سياحة كل دول لا يهم الجامعة في شئ، اهم حاجه تكون متواجد في الجامعة وقت الامتحان.
لو انت مش معاك جنسية او اقامه او متزوج حد معاه الجنسية فللأسف انت هتجتي النمسا بفيزا سياحة (ولو معاك فيزا سياحه لاي بلد اوربية تقدر تتدخل النمسا) وبعد كده هتقدم ورقك للمعادلة وتنظر الرد.
وبعد القبول وتحديد معاد الامتحان بتخش الامتحان بفيزا السياحه عادي وبعد ما تخلص الامتحان وتنجح على الاقل في 7 مواد وقتها ممكن تعدل وضعك من فيزا سياحة لفيزا طالب وده بيكون مفيد وبيساعدك انك تشتغل في النمسا بشكل قانونى كمساعد طبيب أسنان او dental hygienist وانت بتعمل المعادلة.
مرتب طبيب الأسنان في النمسا؟
لو انت مسافر علشان تحوش فلوس وترجع فالأفضل ليك بيكون الخليج طبعا، انما لو بتدور حياة كريمه ورعاية صحية وتعليم كويس فالمنسا مكان مناسب، وعلى الاقل علشان تبدأ تحوش فلوس من أوروبا عموما محتاج على الاقل 3 سنوات علشان تعرف تحوش.
تكلفة معادلة طب الاسنان في النمسا؟
- تكلفة توثيق الورق في السفارة الورقة الواحدة ب 80 يورو وانت محتاج توثق زي 10 ورقات يبقا 800 يورو.
- تكلفة طلب المعادلة بيكون 160 يورو.
- تكلفة دراسة semester واحد في الجامعة 450 يورو وانتَ محتاح على الاقل 3 semester واحد للمواد الجامعة الزيادة وواحد للرسالة التخرج وممكن يزيد لاتنين، وواحد لو وقعت في مواد من الامتحان باجمالى تكلفة 1500 يورو.
- مصاريف السكن هيكون في حدود 300 الى 450 يورو، تكلفة التامين الصحي بيكون 70 يورو شهريا وموصلات في الشهر حوالى 50 يورو وتكلفة الاكل بيكون في حدود 150 الى 200 يورو.
فرص شغل طبيب الأسنان في النمسا؟
- تفتح عيادة.
- تشتغل مع دكتور في عيادة.
- تشتغل في التأمين الصحي (موظف حكومي).
الوقت المتوقع فى التحضير لمعادلة طب الأسنان بالنمسا؟
الوقت مش ثابت وبيختلف من شخص للتاني ولكن في المتوسط
- اللغة ممكن تاخد منك من 8 شهور الى سنه وشهرين، ولو خلصت اللغة كده انتَ خلصت أكتر من نص مشوار المعادلة.
- والمعادلة نفسها ممكن في المتوسط سنتان، حسب اجتهادك ممكن المده دي تزيد وممكن تقل، زي ما قولنا انتَ واجتهادك.
تعلم اللغة الألمانية؟
عيوب معادلة طب الاسنان في النمسا؟
- الامتحان بيكون مرة واحدة ولو منجحتش في تلتين المواد للاسف ملف المعادلة في الغالب هيقف.
- اللغة الألمانية صعبة ولكن لو انتَ واخد الموضوع بجد واجتهاد هتلاقي نفسك خلصت اللغة في سنة.
- تقديم الورق المطلوب للمعادلة لازم يكون شخصيا (بنفسك) اول مرة بعد كده المتابعه ممكن بالايميل او البريد، مينفعش تبعتة بالايميل او البريد اول مرة.
وكمان دة جروب فيسبوك خاص بالأطباء الموجدين في النمسا، لو عندك اي استفسار وحابب حد مختص يرد عليك، كمان ده جروب واتساب خاصة بمعادلة طب الأسنان فى النمسا بس في الغالب ممكن تلاقي العدد بتاع الجروب اكتمل، واخيرًا متنساش تشارك المقال مع زملائك، انا دكتور دينتيست سلام.