تعتبر جامعه قناه السويس من الجامعات التي من السهل الحصول فيها على قبول لدراسه ماجستير طب الاسنان ولا يشترط ان تكون حاصل على نايب زاير للقبول ومش شرط تكون جايب امتياز مع مرتبه الشرف علشان تتقبل ممكن تتقبل بجيد جداً عادي.
في هذا المقال، سنستعرض شروط القبول، مواعيد التقديم، المستندات المطلوبة، وأهم التفاصيل التي يحتاجها الراغبون في التقديم لدراسة الماجستير في طب الأسنان بجامعة قناة السويس.
المستندات و الاوراق المطلوبة للتقديم في ماجستير جامعة قناة السويس؟
1- أصل المؤهل الدراسي ( شهادة التخرج)
- لو خريج جامعة حكومية:-
- أصل شهادة التقديرات ( باللغة العربية ) لخريجي الجامعات الحكومية.
- لو خريح جامعة خاصة هتحتاج:-
- أصل شهادة التقديرات ومترجم من أى مكتب ترجمة معتمد وتحتوى على نظام الدراجات ورموزها بالنسبة المئوية للتقدير العام.
- أصل شهادة التقدير التراكمي لمادة التخصص بالنسبة المئوية.
- أصل شهادة المعادلة من المجلس الأعلى للجامعات.
2- أصل شهادة الأمتياز.
3- اصل شهادة ميلاد (كمبيوتر)
5- صور شخصية (٦ صور)
6- صوره طبق الأصل من شهادة التجنيد
7- صورة من بطاقة الرقم القومي
8- الترشيح الوزارى ( خطاب ترشيح من وزارة الصحة - الادارة المركزية لتنمية القوى البشرية بالموافقة على التقديم - العنوان 3 شارع مجلس الشعب)
9- أو شهادة طبيب اسنان حر من النقابة ف حالة عدم العمل بوزارة الصحة.
10- عدد 2 دوسيه بلاستيك وعدد 1 حافظة بلاستيك.
11- صوره من كل الاوراق المقدمه..
خطوات التقديم في ماجستير جامعة قناة السويس؟
التقديم بيفتح في أول أغسطس وبيفضل مفتوح لحد نص سبتمبر. التقديم ورقي بس، يعني مفيش تقديم إلكتروني، وهتجهز كل الورق اللي اتكلمنا عنه فوق:-
- بتروح مستشفى طب الأسنان قسم شئون الدراسات العليا في المستشفى نفسها مش الكلية.
- و بتدفع في الخزنه 250ج رسوم التقديم وتسلم إيصال الدفع، وترجع الشؤون تسلم ورقكك.
وبتستنا موعد ظهور النتيجة اللي بيكون في نص شهر 11 وانشاء الله تتقبل، ولو مش عارف تروح الجامعة إزاي من القاهرة فانتَ بتركب من رمسيس عربيات الإسماعيلية.
شروط القبول في ماجستير قناة السويس؟
- الحصول على درجة البكالوريوس في طب جراحة الفم والأسنان أو ما يعادلها.
- تقدير عام جيد وتقدير جيد جدًا في مادة التخصص.
- إتمام سنة الامتياز.
- الحصول على الترشيح الوزاري وموافقة جهة العمل على التقديم والتفرغ للدراسة.
- دفع رسوم الماجيستير في حالة القبول للدراسة.
معايير القبول بماجستير جامعة قناة السويس؟
ادني متطلبات للقبول جيد جدا مادة التخصص وجيد تقدير عام والاولويه طبعا للتقديرات الأعلي من كده بس دي أقل حاجه للقبول، وطبعا لو واخد نايب زاير بتزود فرصتك في القبول، والجدول دة بيوضح معايير القبول بتكون إزاي.
| البند | الدرجة |
|---|---|
| تقدير مادة التخصص | امتياز - 20 درجة جيد جدا - 15 درجة جيد - 10 درجات |
| التقدير العام | امتياز - 30 درجة جيد جداً - 25 درجة جيد - 15 درجة |
| الجامعة | جامعة قناة السويس - 30 درجة جامعة حكومية أخرى - 25 درجة جامعة خاصة - 20 درجة |
| جهة العمل | جهة معاوَنة - 20 درجة (إدارة طبيبة/تأمين صحي/قوات مسلحة/ وزراة الصحة) - 15 درجة طبيب أسنان حر/جهة أخرى - 10 درجات |
هل لازم الترشيح الوزاري للتقديم؟
- الترشيح الوزاري مطلوب للعاملين بوزارة الصحة، ولا تقبل موافقة جهة العمل.
- لو شغال في التأمين الصحي الشامل أو أي مؤسسة تانية، هتحتاج موافقة من جهة العمل. وخلي بالك إن الموافقة ميكونش فيها التفرغ خارج مواعيد العمل الرسمية، عشان لو مكتوب كده في الغالب تترفض.
هل لازم نايب زاير للتقديم في ماجستير جامعة قناه السويس؟
النائب زائر مش شرط للتقديم ولكن الافضل انك تاخدة؛ وانتَ بتاخدة علشان تزود فرص القبول بتاعتك في الجامعة، وهوا مش هيضرك بحاجة بالعكس هيفيدك تتعرف على القسم اللي عاوز تحضر فية وتتعرف علي الدكاترة وتزود فرصتك في القبول للماستر.
أقسام ماجستير طب الأسنان جامعة قناة السويس؟
- تقويم الأسنان.
- طب أسنان الأطفال.
- صحة الفم و طب اسنان المجتمع.
- جراحة الفم و الوجه و الفكين.
- طب الفم و علاج اللثه.
- أشعة الفم.
- طب الأسنان التحفظي.
- علاج الجذور.
- الأستعاضة الصناعيه للأسنان.
- التيجان و الجسور.
- مواد حيوية.
- امراض الفم.
- بايولوجيا الفم.
تكلفة دراسة الماجستير في جامعة قناة السويس؟
- تكلفة دراسة الماجستير :-
- أول سنة بتكون 16 الف جنية.
- والسنة التانية ب 9000 جنية.
- والسنة التالتة بـ 9000 جنيه برضو.
- ولو هتعمل دبلومة مصاريفها حوالي 9000 جنيه.